shiooomy:

اللي يذكـر زمـان ( اللعـب ) واسـراره
ومـدرسن لآ زعـل يرمـي ” طباشيـره ”

عقب العشا نوم والسهران فـي داره
يحــل وآجــب وينــسى وآجـبٍ غيــره
…
فـي كـل هوشـه أحـد (منقطـعٍ زراره)
والصبح مـا لـ آلزعـل مـن بيننـا سيـره

حلم الصغيـر ان كبـر ” فلّـه وسيـاره “
ياخـذ بهـا لا طفـش .. لـفّـه وتـدويـره

وبرادة المسجد اللـي فْ آخـر الحـاره
أطعم من (الببـسي) للّـي قَـل توفيـره

كلٍ يسولف عن (التفحيط) واخطـاره
ولا جا (مفحّـط) غدينـا مـن جماهيـره

من يشتري الخبز ما ينسـى ولد جـاره
من ضيقـة المخبـز وزحمـة طوابيــره

حافـيـن و ( زفلتَـنـا ) مـا همّـنـا قــاره
واللي معه ( جزمه ) يا قـوّ تكـسـيــره

والملعب اللي(حصاه)أقشر من غبـاره
بابَه من ( الشـوت) منهـاره مساميـره

(من شوط) نلعب(حكَمنا)سهل نختاره
إلـى أذّن المـغـرب نخـليــه (صفّيـره)

كـل لـه اسمــه وكـل عنـده (عـيَـاره)
ومع كـل ذا ما نعـرف الحقـد والغيــره

اللـه يـاهـي سـنـيـن بـجــــدّ ( دوّاره )
تفـرّق ” احباب والأصحاب والجيــره